13.8 C
Prizren
E enjte, 28 Mars, 2024

Në Demjan të Hasit/ Iu dha lamtumira e fundit veteranit të arsimit, Durak Duraku

Nën masa të rrepta dhe në vëzhgim të policisë së Kosovës, sot në Demjan të Hasit u përcoll për në banesën e fundit mësuesi i shumë brezave, veterani i Arsimit, Durak Xhemë Duraku.

I ndjeri ishte një nga mësuesit e parë të Demjanit dhe të Hasit, por edhe një nga nxënësit e parë të shkollës shqipe në Demjan, të hapur pas Luftës së Dytë Botërore.

Mësues Duraku do të mbahet në mend nga gjenerata të tëra të Demjanit por edhe të fshatrave të tjera të Hasit ku ai kreu misionin e mësuesit dhe edukatorit.

Ai njihet edhe si përkrahës i flakët i shkollimit dhe emancipimit të femrës hasjane dhe si njeriu që për herë të parë “theu akullin” në Demjan të dërgimit të vajzave të tij në shkollë të mesme dhe universitet, duke mbetur përherë shembulli më i mirë i intelektualit dhe prindit të përkushtuar.

Në varrimin e të ndjerit, ndonëse në rrethana të jashtëzakonshme, përpos familjarëve, morën pjesë edhe shumë ish-nxënës të tij, kolegë pune si dhe banorë të tjerë të fshatit Demjan. /Besim Muhadri/

Më Shumë

Kompletohet grupi i Kosovës në Ligën e Kombeve

Lituania e ka mposhtur Gjibraltarin me rezultat 2-0, nga dy ndeshjet në kuadër të playoff-it të Ligës së Kombeve. Kështu lituanët do t’i bashkohen Kosovës...

Sot mot me diell e me vranësira

Të dielën mbrëma pati mot me shi, ndërkaq në disa zona ra edhe borë. Ndërkaq, gjatë ditës së sotme pritet të mbajë mot me diell...

Lajmet e Fundit