“Pastërtia është gjysma e shëndetit, prandaj, ruajtja e natyrës është prioritet i yni!”
Kështu u shpreh sot kryetari i Prizrenit, Shaqir Totaj, me ç’rast u shënua Dita e Pastrimit të Botës me një aksion pastrimi në disa lokacione të fshatit Gjonaj të Hasit, ku edhe mbollën fidane të shumta.
Këtij aksioni, që ia ktheu pamjen e bukur pasurisë natyrore të zonës, iu bashkuan edhe drejtorët e asamblistët e Komunës së Prizrenit, përfaqësues të Kryqit të Kuq, nxënës e shumë qytetarë.
“Të punojmë së bashku për planetin tonë!” – ishte porosia e Kryetarit Totaj./ PrizrenPress.com
