Ministri i Arsimit, Shkencës dhe Teknologjisë, Arsim Bajrami, i shoqëruar nga zëvendësministri i Arsimit, Usmen Baldzi dhe ambasadori amerikan, Greg Delawie, kanë marrë pjesë në promovimin e programit “Amerika me Kosovën”, në Dragash, në kuadër të të cilit janë zhvilluar aktivitete kulturo- sportive nga nxënësit e komuniteteve që jetojnë në këtë trevë, si dhe është bashkëbiseduar me qytetarët e kësaj komune, njofton kumtesa ministrore.
Bajrami, me këtë rast ndër të tjera tha se, ky aktivitet është një rast i mirë që të dëshmohet se në Kosovë mund të jetohet bashkë dhe se Kosova është një vend i lirë dhe demokratik, ku respektohen vlerat e secilit dhe ku diversiteti është vlerë e veçantë e shtetit.