Kanë filluar përgatitjet për fazën e dytë të zbatimit të strategjisë kombëtare për luftimin dhe parandalimin e etheve hemorragjike krime kongo (EHKK). Këtë javë, varësisht prej kushteve atmosferike, pritet të filloj spërkatja e zonave endemike, kundër rriqrave si bartësit kryesor të virusit të etheve hemorragjike.
Kështu u deklarua në mbledhjen e Këshillit të Drejtorëve, nga përgjegjësit e drejtorive për shëndetësi dhe për mbrojtje dhe shpëtim.
Spërkatja do të kryhet nga kompania e caktuar nga Ministria e Bujqësisë, ndërsa do të mbështetet nga Komuna e Malishevës, edhe me numër të personave të cilët do të jenë të angazhua në këtë fushatë të spërkatjes selektive. /PrizrenPress.com/