Libri “Erë dashurie” e gazetares nga Shqipëria, Era Çela, është promovuar në Prizren.
Libri është vlerësuar lartë nga studiuesit e letërsisë.
Studiuesja Emnrije Krosi tha se autorja Çela në këtë libër vjen me një stil të veçantë të të shkruarit. Sipas saj, Çela është një krijuese që premton shumë.
“Kjo është sfida e parë e gazetares Çela në poezi. Uroj që në të ardhmen të kemi edhe libra të tjera “, tha ajo.
Krijuesi Berat Batiu tha se poezitë e Era Çelës janë në vetvete një biografi.
“Përmes poezive, Era Çela, në këtë libër shpalosë botën e brendshme të dashurisë”, tha Batiu. Ai para të pranishmëve ka analizuar disa nga poezitë e librit.
Për librin kanë folur edhe: Reshit Kushaj,Englantiba Alliaj, Naime Gjon Gecaj etj.
Era Çela u lind në Librazhd. Ka punuar gazetare e në shumë media në Shqipëri. Në vitin 2014, ka botuar librin “Me sy nga Europa”./PrizrenPress.com/
