Policia Kufitare e Kosovës u ka konfiskuar dokumentet dy shtetasve të Shqipërisë, meqë të njëjtit pasi janë ndaluar nga njësiti policor, kanë qenë nën ndikim të alkoolit dhe nuk kanë përfillur urdhrat e zyrtarëve policor.
Ngjarja ka ndodhë dje në pikë-kalimin kufitar në Vërmicë, raporton PrizrenPress.
“Njësiti policor ka ndaluar një veturë të cilin e drejtonte i dyshuari mashkull Shqiptar shtetas nga Shqipëria së bashku me pasagjerin mashkull shqiptar po ashtu shtetas i Shqipërisë. Gjatë kontrollit të njëjtit nën ndikimin e alkoolit nuk kanë përfill urdhrat e zyrtareve policor. Me vendim të prokurorit të dyshuarve u janë konfiskuar dokumentet për t’u paraqitur në Gjykatën për Kundërvajtje në Prizren”, njofton Policia e Kosovës. /PrizrenPress.com/