Strehuar të kam në këtë kuvli
këndon herë-herë sikur kumri
më zgjon kur stepem ndokund
ma zgjat dorën për përkëdheli
nuk di si zure vend kur ke hy
dashurisht të them rri moj aty
u paluan kohë e ditë palë-palë
nëpër pulsin tim të ndiej të valë
trokon zemra me timbrin tënd
vjen çasti edhe kur humb rend
diçka e dashur tash më tremb
se nuk e di dhemb a s’dhemb
ngjesh dorën te zemra e ndrydh
mos del që andej moj e brydhtë
se më mbulon frik nata e dylltë
duke t’kërkuar qytetit të shurdhtë
Skender Berisha
