Restaurimi i objektit historik “Kazerma e Vjetër” në Prizren po i afrohet përfundimit, ndërsa aktualisht po punohet në detajet e fundit para funksionalizimit të tij si Arkiv Ndërkomunal i Prizrenit.
Lajmin e bëri të ditur Ministrja e Kulturës dhe Turizmit, Saranda Bogujevci, e cila theksoi se projekti përfaqëson një investim prej mbi 500 mijë eurosh, të dedikuar për ruajtjen dhe rivitalizimin e trashëgimisë kulturore.

“Kazermës së Vjetër” do t’i jepet një funksion i ri si Arkiv Ndërkomunal i Prizrenit, duke kombinuar ruajtjen e vlerave historike të objektit me nevojat institucionale për mbrojtjen e materialeve arkivore.
Ky projekt konsiderohet një hap i rëndësishëm në ruajtjen e trashëgimisë kulturore dhe në krijimin e kushteve më të mira për administrimin e fondit arkivor në rajonin e Prizrenit.
Marketing
Realizoni projektet tuaja me BiCredit, partneri juaj i besueshëm financiar në Prizren!
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
Hapësira me qira në objektet e reja te ‘RENELUAL TAHIRI’ në Prizren
