Komunën e Prizrenit, të martën e ka vizituar nënkryetari i Parisit, Kristof Zhirard.
I pari i Prizrenit, këtë vizitë e ka vlerësuar lartë.
Ai tha se me nënkryetarin e Parisit, ka biseduar rreth mundësisë së bashkëpunimit për zhvillimin ekonomik dhe kulturor të Prizrenit.
“Nënkryetari Zhirard tashmë do të jetë edhe ambasador i Prizrenit në Francë”, tha ai.
Nënkryetari i qytetit të dritave, Kristof Zhirard, ofroi gatishmëri të plotë që në shumë sfera të zhvillohet Prizreni evropian, siç e quajti ai.
“Prizreni është qyteta i rëndësishëm evropian, dhe se ai tashmë e ka vërtetuar një gjë të tillë përmes Dokufestit dhe trashëgimisë së pasur kulturore.
“Ne jemi të interesuar për thellimin e bashkëpunimit mes dy qyteteve, sidomos në sektorin e kulturës”.
“Prizreni është i veçantë për mbrojtjen e objekteve të rëndësisë së veçantë, poashtu edhe për shfrytëzimin e hapësirës publike për projekte të ndryshme kulturore siç është Kino Lumbardhi, për të cilin projekt jam interesuar edhe vet pas vizitës sime të parë që i bëra Prizrenit, në një nga edicionet e kaluara të Dokufest”.
“Me një administratë të shëndoshë të udhëhequr nga njerëz të rinj dhe me plotë energji si kryetari Haskuka, janë tregues i mirë se e ardhmja e rinisë tuaj është e lidhur ngushtë me një klimë të përshtatshme për zhvillim ekonomik , që mundëson punësim të tyre. Për këto çështje, përkrahja jonë nuk do të mungoj”, theksoi ai./tvprizreni.com/