Neymar ka përsëritur dëshirën e tij për të qëndruar në Paris Saint-Germain, por tha se nuk është i sigurt se çfarë planifikon të bëjë klubi për të ardhmen e tij.
Sipas raporteve, PSG është e hapur për ta lënë atë të largohet nga klubi këtë verë me Chelsea-n të interesuar për sulmuesin.
Neymar, 30 vjeç, u shfaq në pjesën e dytë të fitores 3-0 të PSG-së parasezonale ndaj Urawa Red Diamonds të shtunën dhe pas ndeshjes ai foli për të ardhmen e tij.
“Unë ende dua të qëndroj në klub”, tha ai në intervistën e tij pas ndeshjes. “Deri më tani, klubi nuk më ka thënë asgjë, kështu që nuk e di se cilat janë planet e tyre për mua”.
Citimet e Neymar erdhën disa momente pasi menaxheri i ri i PSG-së, Christophe Galtier tha në konferencën e tij për shtyp pas ndeshjes se ai nuk ishte i sigurt nëse braziliani do të mbetej në klub.
“Neymar ka punuar mirë që nga fillimi i sezonit”, tha Galtier. “Edhe ai më duket i lumtur dhe është shumë në formë. Unë fola për situatën e tij në një konferencë për shtyp”.
“Çfarë do të ndodhë në të ardhmen e afërt, në fund të merkatos, nuk e di… Nuk kam pasur një intervistë individuale me të për këtë aspekt. Por ai nuk më duket i shqetësuar për atë që njerëzit thonë për të ose për situatën e tij në klub përmes seancave stërvitore dhe gëzimit që ka kur stërvitet”. /Albanianpost.com