Neymar ka treguar klubin e tij për sezonin e ri.
Ylli brazilian, Neymar, i është kundëpërgjigjur thashethemeve që e lidhin atë me një largim nga Paris Saint-Germain.
26-vjeçari është lidhur me një largim në muajt e fundit, derisa si destinacioni më i mundshëm përmendej Real Madridi.
Por, sipas Neymar, ai do të jetë me PSG-në për së paku edhe një sezon.
“Jam 100 për qind me PSG-në”, u tha Neymar gazetarëve.
“Jam mësuar me kritikat. E di se çfarë thonë për mua, e di se çfarë duhet të bëj për këtë, por ata që janë afër meje e dinë se cilat janë vështirësitë e të qenit Neymari”, përfundoi braziliani.
Ai po ashtu foli për transferimin e Ronaldos në Juventus.
“I dëshiroj fat dhe të gjitha të mirat në këtë periudhë të re”, shtoi Neymar. /Insporti.com