Nga java e ardhshme pritet që të ketë një mbyllje totale të gastronomisë dhe qendrave tregtare.
Kjo u diskutua në takimin e sotëm që ministri i Shëndetësisë Arben Vitia, kishte me përfaqësuesit e sektorit të gastronomisë.
Petrit Kllokoqi, kryetar i Shoqatës së Gastronomëve i tha Klan Kosovës se nga java tjetër mund të mbyllen lokalet e gastronomisë, qendrat tregtare dhe fitneset.
Kllokoqi tha se është diskutuar edhe ora policore por se akoma nuk është marrë ndonjë vendim.
“Nga dita e martë sipas asaj që u diskutua mund të hyjmë në mbyllje totale për 12 ditë. Lokalet e gastronomisë, qendrat tregtare dhe fitneset parashihet të mbyllen”.
“Me shumë gjasa do të ketë edhe mbyllje të shkollave”.
“Është diskutuar edhe ora policore por që nuk është marrë ndonjë vendim”.
Vetëm gjatë ditës së sotme sipas të dhënave të publikuar nga Instituti Kombëtar i Shëndetësisë Publike janë shënuar 12 raste të vdekjes si pasojë e COVID-19 dhe 777 raste.