Dyshja nga Norvegjia, Nico and Vinz, kanë arritur në krye të top listës britanike të këngëve të dielën, me këngën e tyre, “Am I Wrong”, raporton Reuters.
“Am I Wrong” e ka tejkaluar edhe suksesin grupit, “Magic!” që ishte në krye të të njejtës top listë javën e kaluar.
Dyshja që vjen nga Osloja, e kanë marrë pozitën e parë pas publikimit të këngës në Mbretërinë e Bashkuar, duke e larguar nga pozita e parë këngën “Rude” të grupit “Magic!”.
Në pozitën e tretë sipas të dhënave të kompanisë britanike që merret me krijimin e top listës së këngëve javore, janë grupi “OneRepublic” të cilët janë bërë pjesë e listës me këngën “Love Runs Out”.