Festivali i filmit “Nine Eleven” sivjet mbush një dekadë. Kjo ngjarje për 10 vitet e funksionimit, ka shërbyer si forum për shprehjen e talentit në artin e kinematografisë si dhe ka qenë një derë përmes së cilës artistët vendës kanë arritur edhe suksese ndërkombëtare.
Ashtu sikurse edhe vitet e kaluara, këtë vit edicioni jubilar i festivalit të filmit “NINE ELEVEN 9/11” do të mbahet më 11 shtator ndërkohë që përgatitjet për organizmin e tij tashmë kanë filluar.
Drejtuesit e kësaj ngjarjeje kinematografike përmes faqes zyrtare të festivalit në facebook, u kanë bërë thirrje të gjithë skenaristëve shqiptarë nga të gjitha trojet shqipfolëse që të marrin pjesë në këtë festival.
“Festivali 9/11 nga sot (31.03.2014) e deri me datën 20.04.2014, shpall të hapur konkursin për skenarët e filmit fikson të metrazhit të shkurtër. Të drejtë pjesëmarrjeje kanë të gjithë autorët e skenarëve në gjuhën shqipe, nga të gjitha trojet shqiptare”.