24.8 C
Prizren
E shtunë, 25 Maj, 2024

Nis transformimi i 70 qyteteve, Rama: Rilindje, shesheve ‘komuniste’

EdiRama-rilindje shesheve komunisteRikonstruksioni i sheshit qendror të Korçës është vetëm fillimi i një programi për transformin urban të 70 qyteteve të vendit, që ka nisur pikërisht nga Korça.

Projekti është prezantuar nga kreu i Qeverisë, Edi Rama, në sheshin që së fundi është bërë objekt debati ndërmjet PS-së dhe PD-së.

Kryeministri Rama theksoi se nga Korça nis një model i qëndrueshëm i një zhvillimi urban për vendin, njëherësh edhe fillimi i mbajtjes së zotimit për rilindjen urbane të Shqipërisë.

Fjalës së tij në këtë prezantim nuk i kanë munguar dhe akuzat ndaj qeverisë paraardhëse.

“Do të bëjmë për këto komunitete dhe zona urbane të vendit çfarë nuk është bërë 20 vjet me radhë.

Ne kemi vendosmërinë që brenda këtij mandati t’i sjellim qyteteve të vendit atë rilindje të madhe urbane, që u ka munguar për vite të tëra dhe t’i transformojmë këto sheshe të braktisura komuniste në sheshe të bashkëjetesës komunitare, në sheshe që i japin qyteteve tona atë sens bashkësie që kanë qytetet e Europës ku ne duam të integrohemi dhe në rrugë e në infrastrukturë urbane.

Qeveria e Tiranës nuk i ktheu sytë ndaj tyre dhe u harrua duke thërrmuar dhe shpërndarë paratë në segmente rrugore, që sot ose janë fshirë nga faqja e dheut për shkak të cilësisë së punimeve, ose kanë shumë pak përdorim.”- tha Rama në Korçë, transmeton Oranews.

Për PD-në, pas kësaj ndërhyrjeje, në këtë shesh në Korcë, fshihen interesa klienteliste të Qeverisë.

Më Shumë

Amaneti i Ernest Koliqit

Nga: Frank Shkreli Ishte 15 Janari i vitit 1975 kur bota shqiptare mësoi se Profesor Ernest Koliqi kishte ndërruar jetë, ndërkohë që njoftohej gjithashtu se...

Peci: Bujqit e Rahovecit deri më tani janë përkrahur me 21 milionë euro

Ministri i Bujqësisë, Pylltarisë dhe Zhvillimit Rural, Faton Peci, po qëndron në Rahovec në shënim të Ditës së Verës ku së bashku me përfaqësues...

Lajmet e Fundit