Një 61 vjecar ka ndërruar jetë gjatë natës së mbrëmshme në pikën kufitare në Merdarë. I ndjeri ishte duke kaluar kufirin me turmën e personave që po e lëshojnë Kosovën.
Mësohet se viktima ishte Mustaf Bislimi i lindur më 14.04.1953, nga fshati Ballovc i komunë së Povujevës
Komandanti i policisë rajonale në Podujevë, Isak Ejupi e ka konfirmuar lajmin për Indeksonline se 61 vjeçari ka ndërruar jetë në autobusin i cili po i barte udhëtarët për në Serbi.
“Si rrjedhojë e hetimeve të para mësojmë se i ndjeri ka ndërruar jetë nga shkaqe natyrale”, ka thënë Ejupi për Indeksonline.
Ndërkaq me urdhër të prokurorit trupi i pajetë i viktimës është dërguar për në obduksion në morgun e Prishtinës.