18.8 C
Prizren
E enjte, 20 Qershor, 2024

NISMA kërkon të mos manipulohet me vullnetin politik të popullit

Nisma per kosove1Më 8 qershor 2014 Kosova shënoi një hap të madh në procesin e mbajtjes së zgjedhjeve të lira. Ky proces është shembull se edhe në Ballkanin perëndimor mund të zhvillohen procese në përputhje me standardet perëndimore, thuhet në njoftimin e NISMA-s.

Por, merita për këtë proces i takon, në rend të parë, Sovranit të Kosovës. Sepse nuk ka qenë e lehtë për votuesin e Kosovës të përballojë tërë presionin që rëndonte mbi të dhe me qetësi të shmang dhunën institucionale që u ushtrua ndaj tij.

Që nga fillimi i fushatës parazgjedhore anëtarët, simpatizant dhe mbështetësit e forcave politike që nuk ishin pjesë e Qeverisë së Kosovës u ballafaquat me largime nga puna, me shantazhe për largim nga puna, me presione të jashtëzakonshme të formave të ndryshme të dhunës dhe terrorit psikologjik, të trashëguara nga mentaliteti i vjetër.

Kur këto forma të dhunës nuk patën efektet e dëshiruara, ndaj anëtarëve, simpatizantëve dhe mbështetësve të forcave politike që nuk ishin pjesë e Qeverisë së Kosovës, u përdor një formë tjetër, që nuk është hiq më pak e dhunshme: joshja me privilegje personale nëse mbështetnin koalicionin e pesë partive politike me emrin “Mision i Ri”.

Edhe pse fushatën parazgjedhore e karakterizoi dhuna përmes formave dhe modaliteteve të ndryshme, dita e votimit shkoi në mënyrë të qetë!

Edhe procesi i numërimit të votave vazhdoi në frymë demokratike dhe transparente.

Komisioni Qendror Zgjedhor, përmes faqes zyrtare, njoftonte në vazhdimësi për dinamikën e numërimit të votave dhe rezultatin e tyre. Në këtë frymë vazhdoi transparenca deri në momentin kur u bë publike se Lidhja Demokratike e Kosovës, Aleanca për Ardhmërinë e Kosovës dhe NISMA për Kosovën krijuan koalicionin pas zgjedhor për qeverisjen e vendit.

Në momentin e publikimit të nënshkrimit të Marrëveshjes sonë, KQZ-ja kishte arritur në numërimin 2370 nga 2374 kutive të votimit dhe publikimin e 99.83 % të rezultatit të votave të numëruara.

Nga publikimi i kësaj Marrëveshje KQZ-ja nuk publikoi asnjë informatë për rezultatin e katër kutive të mbetura, që përbënin 0.17% të votave!

Kur kësaj i shtohen deklaratat se rezultatet mund të ndryshojnë me votat që po i presin nga Kazakistani ne me të drejtë shprehim shqetësimin tonë se Qeveria në Largim e Hashim Thaçit është duke përgatitur manipulimin e rezultateve të zgjedhjeve.

Kërkojmë që të intervenohet urgjentisht që të publikohen rezultatet dhe të pamundësohet manipulimi me vullnetin politik të popullit të Kosovës. /PrizrenPress.com/

Më Shumë

Kryetari i LDK-së në Prizren ngushëllon familjen e Metë Shatrit

Kryetari i Degës së Lidhjes Demokratike të Kosovës (LDK) në Prizren, Driton Selmanaj, ka shprehur ngushëllimet e tij të sinqerta familjes së veprimtarit dhe...

Luizi poston një foto më të bijën në krah, i bën dedikim të veçantë

Fituesi i Big Brother Vip Albani, Luiz Ejlli, ka postuar një foto të ëmbël më të bijën në krah. Ai përkrah fotos shkroi, “Nëse vetëm...

Bregu i shpëtimit

Lajmet e Fundit