Kandidatët për deputetë të Nismës në Prizren kanë marrë mbështetje në lagjen “Ortakoll”.
Kryetari i Degës, Zafir Berisha tha se mbështetja që po e marrin ia garanton fitoren Nismës.
“Mobilizimi juaj për të kontribuar në fitoren e madhe të Nismës në zgjedhjet e 6 tetorit dhe mbështetja e projektit tonë Bashkë për Shtetin është garanci e suksesit tonë në këto zgjedhje”, tha Berisha, i cili është edhe kandidat për deputet të Kuvendit.
“Mbështetja dhe rreshtimi juaj përkrahë Nismës Socialdemokrate dhe kandidatëve të saj për deputet do të thotë vazhdimësi e zërit tuaj në Kuvendin e Kosovës. Andaj ju ftoj ta mbështetni NISMA’n Socialdemokrate dhe kandidatët e saj nga qyteti i Prizrenit”, tha ai.
Kandidatët për deputet, Albulena Balaj Halimaj, Afrim Bekteshi, Arbanë Hoti Hajdaraj, Shukri Quni, Hasan Ahmetaj, Afrim Tejeci dhe Adem Qemali, thanë se mbështetja e projektit tonë Bashkë për Shtetin po rritet çdo ditë e më shumë.
Entuziazmi dhe gatishmëria e banorëve të lagjes “Ortakoll” për të kontribuuar drejtë arritjes së objektivave tona, është garanci e fitores së madhe të Nismës Socialdemokrate dhe Fatmir Limajt si Kryeministër i vendit.