Fushata kundër ngacmimeve seksuale #MeToo në Kinë ka marrë kundërsulme ditëve të fundit, kur një grua e cila kishte dalë publikisht me akuza ndaj një ylli televiziv u padit nga Prokuroria e shtetit për akuza të rrejshme.
BBC raporton se vetëm disa muaj më parë, Kina u godit nga një varg akuzash #MeToo që dolën nga arena aq të ndryshme sa tempuj, universitete dhe spektakle televizive. Tani, një rast duhet të shkojë përpara gjykatave civile të Kinës por është akuzuesi, jo i akuzuari, i cili duhet të mbrojë veten.
Në korrik, bota argëtuese e Kinës u përball me pretendimin se një nga yjet më të mëdhenj dhe më të dashur të vendit kishte prekur me forcë dhe e puthi një praktikante pasi mori një shportë frutash në zyrën e saj.
Zhu Jun, i njohur për spektaklin ekstravagant televiziv kombëtar, Gala Festivali i Pranverës, mohoi menjëherë akuzën dhe vazhdoi të padisë atë për dëmtim të reputacionit dhe mirëqenies së tij mendore, transmeton kp.
Gruaja, e njohur nga monikerja e saj online Xianzi, më në fund u tha të martën se rasti do të dëgjohet në gjykatën e qarkut Haidian të Pekinit.
Tani ajo ka paraqitur një kundërvënie dhe synon të luftojë çështjen, duke krijuar kështu konfrontimin e parë të Kinës për ngacmime seksuale në Gjykatë.