Gjykata Themelore e Prizrenit ka caktuar masën e paraburgimit në kohë zgjatje prej një muaji ndaj të pandehurit me iniciale D.H nga Prizreni, për shkak të dyshimit të bazuar se ka kryer veprën penale lëndim i rëndë trupor.
Më 15 qershor i pandehuri dyshohet se ka shkaktuar lëndim të rëndë trupor me mjetet e rrezikshme me arsyen se djali i të dëmtuarit kishte pasur mosmarrëveshje para këtij rasti me të pandehurin me iniciale D.H. e që për këtë arsye, i dëmtuari me iniciale H.B. ishte nisur që të lajmëronte rastin në stacioni policor.
“Derisa ishte duke ecur rrugës të pandehurit me iniciale D.H. me veturën e tij, së bashku me të pandehurin A.D. i dalin përpara e pastaj edhe i pandehuri M.H. me veturën e tij i del përpara të dëmtuarit dhe pasi ndalen që të tre, ia hapin derën veturës së të dëmtuarit dhe e sulmojnë duke e goditur me grusht, shkop druri ndërsa i pandehuri me iniciale D.H. edhe me një brisk, të cilin e gjen në veturën e të dëmtuarit”, thuhet në njoftimin e Gjykatës Themelore në Prizren.
“Pasi që i njëjti që nga data 19.06.2018 ka qenë në arrati, kjo çështje është në fazën e hetimeve ka arsye për të besuar se i njëjti mund të fsheh provat, mund të dikoj në të dëmtuarit në dëshmitarë me çka do të pengojë rrjedhën e procedurës. Prandaj caktimi i masës së paraburgimit është i bazuar dhe i arsyeshëm për sigurimin e prezencës së të pandehurit dhe zhvillimin normal të rrjedhës së procedurës penale”, thuhet në njoftim.