Kryetari i Bashkimit Demokratik, Zafir Berisha, ka marrë një ofertë goxha të majme nga kryetari i PDK-së Hashim Thaçi. Thaçi, i ka ofruar gjithçka Berishës vetëm ta pranojë të mbështesë Ramadan Mujën në garën e balotazhit me 1 dhjetor.
“Nën udhëheqjen e Berishës kanë me qenë të gjitha, duke filluar nga kryesusi , drejtoritë etj, vetëm që Ramadan Mujën me e lënë të qetë. Po ashtu kërkesa e Thaçit është që pas 1 dhejtorit Zafir Berisha të sillet në emër të PDK-së”, i ka thënë Tribunës një zyrtar i BD-së.
Sipas këtij burimi, Zafir Berisha ka kërkuar nga Thaçi, që ‘garnitura e korruptuar’ të shkojë në shtëpi. “Kjo ofertë kaq e majme ka të bëjë me hallin e Thacit për zgjedhjet nacionale”.
Ndërkaq, Berisha ofertën e Thaçit mund të pranojë vetëm nëse nga gara largohet Ramadan Muja. Burimet e “PrizrenPress’it” brenda BD-së, ndërkaq bëjnë të ditur se ky subjekt politik mund të hyjë në koalicion me PDK-në, vetëm me kusht që nga gara për kryetar të Prizrenit, të hiqet kandidati Ramadan Muja.
“Ofertën për koalicion të Thaçit, BD-ja do të pranojë vetëm nëse nga gara për kryetar të Prizrenit, largohet Ramadan Muja.Ky është disponimi i anëtarëve të Kryesisë së Partisë, dhe kjo me gjasë ka me qenë përgjigja e ofertës, që do t’i kthehet Hashim Thaçit”, tregon burimi i afërt me BD-në./PrizrenPress.com/