13.8 C
Prizren
E enjte, 28 Mars, 2024

OKB: Mungesë ekstreme e ushqimit në Tigray të Etiopisë

Banorët e rajonit Tigray të Etiopisë “po vuajnë nga mungesa ekstreme e ushqimit”, u tha në vlerësimin e ri të Programit për Ushqim të Kombeve të Bashkuara.

“Familjet po shterojnë të gjitha mjetet për të ushqyer vetveten, me tre të katërtën e popullsisë që po përdor strategji ekstreme për të mbijetuar”, tha ky program në raportin e publikuar të premten.

Në raport u tha se shumica e banorëve po varen vetëm nga një vakt në ditë. OKB-ja u bëri thirrje të gjitha palëve të përfshira në luftën në Etiopi që të pajtohen për një armëpushim humanitar “dhe zyrtarisht të pajtohen për hapjen e korridoreve të transportit” të ndihmës.

OKB-ja tha se asnjë konvoj me ndihma nuk ka hyrë në rajonin Tigray që prej mesit të dhjetorit të vitit të kaluar. Në këtë rajon jetojnë afro gjashtë milionë persona.

Qeveria e Etiopisë po refuzon që të lejojë që ndihma të shkojë në rajonin Tigray pasi ka frikë se ajo mund të bijnë në dorën e forcave me të cilat po lufton.

Që prej nëntorit të vitit 2020, forcat që dikur dominon qeverinë kombëtare po luftojnë kundër qeverisë aktuale të kryeministrit, Abiy Ahmed.

Në javët e fundit, forcat në Tigray janë tërhequr në këtë rajon pasi tentuan që të avanconin drejt kryeqytetit Addis Ababa./rel/

Më Shumë

65 aksidente trafiku për 24 orë në Kosovë

65 aksidente trafiku janë raportuar në polici brenda 24 orëve. 18 nga to me të lënduar, ndërsa 47 me dëme materiale. Gjatë kësaj periudhe janë shqiptuar...

Aksident në autostradën “Ibrahim Rugova”

Një vetaksident ka ndodhur sot në autostradën “Ibrahim Rugova”. Nga ky rast nuk raportohet se ka ndonjë person të lënduar, por vetëm me dëme materiale. E...

Lajmet e Fundit