Organizata e Veteranëve të Luftës e Ushtrisë Çlirimtare të Kosovës, dega në Malishevë në prag të 16-vjetorit të pavarësisë dhe 25 vjetorin e çlirimit në shtëpinë e Isak Fazli Krasniqit në Tërpezë, që ishte bërë streha e Ushtrisë Çlirimtare të Kosovës ka vendosur pllakë përkujtimore. Kjo shtëpi e Komandantit Nexhmi Krasniqi ishte bazë e çlirimtarëve të parë të fshatit Tëprezë e Malishevës
“Sot në prag të 16-vjetorit të pavarësisë dhe në vitin e 25 të çlirimit, në shtëpinë e Isak Fazli Krasniqit në Tërpezë, që ndër të parat u bë streha e Ushtrisë Çlirimtare të Kosovës u vendos pllaka përkujtimore që shënjon vendin ku u hodhën themelet e një lufte për liri, vendi që mblodhi krerët e kësaj force që i sollën pavarësinë Kosovës”, është thënë në njoftimin e familjes.
Njoftimi i plotë:
Sot në prag të 16-vjetorit të pavarësisë dhe në vitin e 25 të çlirimit, në shtëpinë e Isak Fazli Krasniqit në Tërpezë, që ndër të parat u bë streha e Ushtrisë Çlirimtare të Kosovës u vendos pllaka përkujtimore që shënjon vendin ku u hodhën themelet e një lufte për liri, vendi që mblodhi krerët e kësaj force që i sollën pavarësinë Kosovës.
Një bazë që ushqeu trimat e etur për liri dhe mëkoi me dashuri për atdheun plagët e tyre. Le të jetë kjo pllakë simbol i kujtesës për luftën e lavdishme të Ushtrisë Çlirimtare të Kosovës dhe për këdo që e do atdheun të lirë.