Njohësi i rrethanave politike, Mazllum Baraliu, i ka ftuar pozitën dhe opozitën që të reflektojnë ndaj iniciativës së presidentes Atifete Jahjaga dhe të mos e presin ndërhyrjen ndërkombëtare.
Ai ka thënë për ‘Epokën e re’ se palët duhet të diskutojnë shtruar, duke mos kushtëzuar dhe paragjykuar procesin.
Sipas tij, përgjegjësinë më të madhe në këtë drejtim e ka pozita.
Baraliu ka thënë se nëse asnjëra palë nuk lëshon pe, atëherë zgjidhja e vetme mbetet krijimi i një qeverie teknike deri në zgjedhjet e reja.