20.4 C
Prizren
E shtunë, 31 Maj, 2025

Pamuk flet për puçin dhe librin e tij të ri

Nobelisti turk Orhan Pamuk ashpër ka kritikuar qeverinë turke për shkak të ndjekjes së gazetarëve dhe shkurtimin e të drejtave të grave.

“Gjëja më e rëndë është se këtu në Turqi është e pranishme frika. E ndjej se të gjithë janë të frikësuar. Kjo nuk është normale. Liria e hulumtimit publik ka rënë në nivelin më të ulët të mundshëm”, ka thënë Orhan Pamuk, me rastin e botimit të romanit të tij të ri, i cili nga mesi i kësaj jave pritet të dalë nga shtypi dhe të jetë në raftet e librarive.

Pamuk, në prononcimin për gazetën e Stambollit “Hyrrijet”, ka akuzuar qeverinë turke se po i ndjek gazetarët dhe që në forma të ndryshme po i keqtrajton në rastet kur ata nuk i duartrokasin.

Shkrimtari ashpër ka kritikuar qeverinë turke për shkak të ndjekjes së gazetarëve dhe shkurtimin e të drejtave të grave.

“Shumë miq të mi më thonë se ky apo ai gazetar ka humbur punën. Tash, për më keq, i janë nënshtruar maltretimit edhe ata gazetarë që janë shumë të afërt me qeverinë”, ka thënë ai duke treguar për problemin që kohëve të fundit është shumë i pranishëm në Turqi, transmeton Zëri.

Sipas shoqatave të mediave lokale dhe organizatave joqeveritare, në burgje për dënim presin 20 gazetarë, ndërsa kundër 150 gazetarëve të tjerë është hapur procedura gjyqësore e 400 gazetarë kanë humbur vendet e tyre të punës apo janë detyruar të japin dorëheqje.

Në mesin e tyre ka shumë sosh që janë emra të njohur të gazetarisë në Turqi. Në shënjestër janë vënë edhe rrjetet sociale, por edhe korrespodentët e mediave të mëdha nga bota, të cilat në botë dërgojnë “fotografi të rreme” për Turqinë.

Liria e shtypit tash është në nivelin më të ulët në disa dekada të fundit, thonë në shoqatat mediale.

Pamuk në intervistën për gazetën e Stambollit “Hyrrijet” ka kritikuar kryetarin Taip Erdogan edhe për shkak të deklaratës së tij se gratë dhe meshkujt për nga natyra nuk mund të jenë të njëjtë.

Më Shumë

Vetëvendosje akuzon kryetarin e Suharekës për punësime partiake dhe keqpërdorim të institucioneve publike

Lëvizja Vetëvendosje (VV) në Suharekë ka akuzuar pushtetin lokal që udhëhiqet  nga kryetari Bali Muharremaj (AAK) për keqpërdorim të institucioneve publike dhe punësime me...

Shënohet dita e shkollës ‘Gani Saramati’ në Prizren

Kryetari i Komunës së Prizrenit, Shaqir Totaj, së bashku me Drejtoreshën e Arsimit, Luljeta Veselaj-Gutaj, morën pjesë sot në shënimin e ditës së shkollës...

Dy kunata

Lajmet e Fundit