Ish-kryeministri shqiptar Pandeli Majko, përmes një shkrimi në rrjetin social Facebook, ka përkujtuar disa ngjarje të cilat kanë ndodhur më 10 qershor ndër vite e që të gjitha kanë lidhje me shqiptarët.
Majko ka shkruar se 10 qershori është festë që i bashkon shqiptarët.
Shkrimi i plotë që ka shkruar Pandeli Majko:
Në 10 qershor 1878 u krijua Lidhja e Prizrenit…Në 10 qershor 1999 tërhiqen trupat serbe nga Kosova… Në 10 qershor 2007 viziton për herë të parë Shqipërinë, Presidenti i Shteteve të Bashkuara të Amerikës… Janë shumë ngjarje që përjashtojnë rastësinë e kësaj date!
Po e kujtoj këtë datë me hyrjen e trupave mike britanike në Kosovë në qershor 1999. Gëzuar 10 qershorin festën që bashkon shqiptarët. Na e dhuroi zoti dhe historia.
