Një përleshje ilegale e qenve po përgatitet edhe për ditën e sotme. Kështu tregon edhe një njoftim në rrjetin social Facebook, ku përmes një profili bëhet e ditur se sot në Prizren do të ketë përleshje.
Në njoftim bëhet e ditur se përleshje do të ketë mes “Shapit” dhe “Rudit”, që i takojnë pronarëve Elvis Rizanaj dhe Arben Gjakova.
Gara është planifikuar të ndodh në Lagjen Arbana, (te Shtalla).
“Me 8 nëntor, ora 8 mëngjes rroket Shapi (Elvis Rizanaj) me Rudin (Arben Gjakova), te 4 zitnat në Arban te shtalla”, shkruhet në njoftim.
Një ngjarje e tillë ilegale, u parandalua para disa ditëve në Shtime, ku Policia e Kosovës arriti ta parandalojë.
Pas ndërhyrjes së Policisë, organizatorët mohuan se aty do të përlesheshin qentë duke insistuar se aty do të ketë vetëm një sfilatë të këtyre kafshëve./kp/