Partia Demokratike e Kosovës (PDK) në Prizren ka kërkuar sot nga Prokuroria që të mos zbeh partneritetin e bashkëpunimit me arrestime.
“PDK në Prizren, inkurajon organet e pavarura dhe të paanshme gjyqësore, që të mos lënë hapësirë të nxitjes për motive politike në procesin e arrestimit të zyrtarëve të DKA-së”, thuhet në komunikatën e PDK-së në Prizren.
“PDK dega në Prizren, njofton opinionin se përkushtohet për implementimin e programit politik të koalicionit qeverisës në Komunën e Prizrenit, për arsim cilësor dhe ndërtim të sistemit arsimor në nivelin më të lartë Europian”.
“PDK në Prizren, kërkon nga Prokuroria e Shtetit, që të jetë partnere e shtetëndërtimit dhe përpjekjeve të qeverisë komunale për politika të shëndosha për arsim cilësor, e mos ta zëvendësoj dhe mos ta zbeh me arrestime dhe ndalime mediale të zyrtarëve komunal, por me çasje profesionale të zbardh të gjitha dilemat, dhe të bëjë ndarjen e veprimeve administrative e ligjore mbi sistemin arsimor”.
“Drejtori dhe zyrtarët e DKA-së, kanë qenë bashkëpunues me organet hetuese gjatë gjithë proceseve”.
“PDK, mbështet Kryetarin e Komunës që DKA-ja, të jetë në shërbim të plotë të nxënësve, mësimdhënësve , prindërve dhe të gjithë qytetarëve të Komunës së Prizrenit”. /PrizrenPress.com/