Dhjetë perona kanë humbur jetën në komunikacion, në dy muajt e fundit të verës, në rajonin e Prizrenit.
Zëdhënësi i Policisë në Prizren, Vesel Gashi tha se në muajin korrik-gusht, 7 persona kanë humbur jetën në Suharekë, ndërsa 3 në Prizren.
“ Për dy muaj fatkeqësisht 10 persona kanë humbur jetën në rajonin e Prizrenit”, tha Gashi, shkruan “PrizrenPress”
Sipas tij, numri i aksidenteve sivjet ka shënuar rënie, krahasuar me vitet e kaluara.
“Sivjet kemi pasur rënie të aksidenteve, mirëpo fatkeqësisht rritje të viktimave”, tha Gashi.
Ai, kërkon nga vozitësit që të kenë kujdes në komunikacion.
“Ftoj vozitësit që të kenë kujdes kur dalin në komunikacion dhe të respektojnë rregullat e komunikacionit”, tha Gashi./PrizrenPress.com/