27.7 C
Prizren
E hënë, 15 Shtator, 2025

Për të dytën herë në radhë, dështon të mbahet seanca për sulm ndaj një personi në Suharekë

Në Gjykatën Themelore në Prizren, dega në Suharekë, të martën për të dytën herë në radhë ka dështuar të nis gjykimi ndaj të akuzuarit Hysen Kabashi, i akuzuar për veprën penale “sulmi”.

Shkak i dështimit të këtij gjykimi, u bë mungesa e të paditurit Kabashi, raporton “Betimi për Drejtësi”.

Gjykatësi i çështjes, Qemail Suka, konstatoi se i akuzuari pavarësisht se ka qenë i ftuar në mënyrë të rregullt, ftesës së gjykatës nuk i është përgjigjur, ndërsa prezent ka qenë prokurorja Elfete Purova.

Tutje, pas rrethanave të krijuara gjyqtari ka shtyrë seancën në kohë të pacaktuar, ndërsa ndaj të akuzuarit ka lëshuar urdhërarrest.

Ndryshe, sipas aktakuzës të ngritur nga Prokuroria Themelore në Prizren më 09 dhjetor 2019, i akuzuari Hysen Kabashi më 18 nëntor të po atij viti, në fshatin Budakovë, Komuna e Suharekës, me dashje përdor forcën ndaj të dëmtuarit Labinot Bytyqi, ashtu që pas një mosmarrëveshje që kishin mes vete, fillimisht i akuzuari me një ton të lartë e fyen të dëmtuarin. Më pastaj i ofrohet te vetura dhe pasi i njëjti del nga ajo i akuzuari e kap për rroba në gjoks.

Sipas aktakuzës, i akuzuari më këto veprime kryen veprën penale “sulmi” nga neni 184 par. 1 i Kodit Penal të Kosovës. /BetimipërDrejtësi

Më Shumë

Kurti në Prizren: Me Abrashin kryetar, qyteti punon 365 ditë në vit

Kryeministri në detyrë i Kosovës, Albin Kurti, ka qëndruar sot në Prizren për të mbështetur kandidatin e Lëvizjes Vetëvendosje për kryetar të Komunës, Artan...

Mbrëmje magjike në “Fadil Vokrri”: Kosova triumfon ndaj Suedisë me rezultat 2:0

Përfaqësuesja e Kosovës ka shënuar fitore historike, duke mposhtur Suedinë me rezultat 2:0 në stadiumin “Fadil Vokrri”. Elvis Rexhbecaj zhbllokoi sfidën në minutën e 26-të...

Lajmet e Fundit