Kryeministrat, Isa Mustafa dhe Aleksandër Vuçiq, sot për herë të parë do t’i shtrëngojnë duart në Bruksel, ku do të diskutojnë për tema të nxehta si: formimin e Gjykatës Themelore në veri të Kosovës, heqjen e barrikadës mbi lumin Ibër, si dhe për kodin telefonik të vendit.
Ky takim, që ndërmjetësohet nga përfaqësuesja e lartë e Bashkimit Evropian (BE) për Politikë të Jashtme dhe Siguri, Federica Mogherini, do të zhvillohet pas një pushimi disamujor, për shkak të zgjedhjeve parlamentare të mbajtura vitin e kaluar në Serbi dhe në Kosovë.