Është përcjellë për në banesën e fundit “Doktor” Flori.
Homazhet ndaj 35-vjeçarit që ndërroi jetë paraditen e së hënës, u bënë në ambientet e Radio Televizionit Shqiptar, ku krahas artistëve dhe kolegëve të tij morën pjesë edhe kryetari i Kuvendit, Ilir Meta dhe politikanë të tjetër.
Kryeministri Edi Rama nuk ishte në ceremoni, teksa një kurorë me lule me emrin e tij ndodhej mbi arkivolin e të ndjerit.
Kujtojmë se Rama pat kënduar me Grupin Wes Side Family, ku bënte pjesë edhe Florian Kondi këngën “Tirona” ose kënga tjetër për fushatën elektorale “Çohu”.
Ai u përcoll me duartrokitje dhe muzikë në sfond. Në media dalin edhe fjalët e fundit të tij, siç edhe ndodh në të tilla raste.
“Alban, unë po shkoj. Duket se po fluturon edhe ti me mua, por ti zbrit”, mësohet t’i ketë thënë të vëllait të tij.