Policia e Kosovës raporton se në mëngjesin e sotëm rreth orës 06:10, ka shpërthyer një zjarr i madh në ambientet e restorantit të N.SH. ”Blendi” në Korishë të Prizrenit.
Policia raporton se zjarrfikësit kanë dalë në vendin e ngjarjes dhe kanë bërë përpjekje për shuarjen e zjarrit dhe minimizimin e dëmeve materiale që sipas pronarit e kalojnë shumën e 150 000 eurove.
Njësite relevante të policisë kanë dalë në vendin e ngjarjes për të kryer hetime. Sipas pronarit, si shkaktar i zjarrit dyshohet të jetë korrenti elektrik. /PrizrenPress.com/