Inter dhe Fiorentina kanë dhuruar spektaklin e radhës në Serie A. Dy përmbysje rezultatesh, por në fund triumfon skuadra zikaltër 4-3. Një ndeshje vërtet me emocione, ku pati debutime dhe plot 7 gola.
Është zhbllokuar vetëm pas 4 minutash lojë ndeshja e mbrëmjes. Kanë qenë miqtë ata që kanë goditur të parët me Kouame. Asisti ka ardhur nga ish-ylli i Milan-it, Bonaventura. Inter ka barazuar në limitin e pjesës së parë me Lautaro Martinez.
Inter e ka nisur me gol pjesën e dytë dhe ka përmbysur rezultatin kundër Fiorentina-s. Zikaltrit kanë kaluar në avantazh falë një autogoli të Ceccherini-t. Fiorentina është kundërpërgjigjur menjëherë. Castrovilli ka kthyer barazinë pesë minuta pas autogolit të Ceccherini-t. Protagonist edhe Ribery me asistin e dhënë.
Fiorentina ka ndëshkuar përsëri Inter-in dhe është kthyer në avantazh. Goli është shënuar nga Chiesa, i cili ka marrë një asist të mrekullueshëm nga Ribery. 2-3 në minutën e 63-të. Gjithsesi, Inter nuk pajtohet dhe barazon në 88’ me Lukakun pas asistit perfekt të Hakimit.
Pa kaluar asnjë minutë nga rinisja e topit nga qendra, Inter përmbys gjithcka me D’Ambrosio, pas krosit të Sanchez. Një ndeshje vërtet spektakolare, dy herë përmbysje, ku në fund fitojnë të zotët të shtëpisë, zikaltrit.
