15.9 C
Prizren
E mërkurë, 17 Shtator, 2025

Përplasje në mbledhjen e Qeverisë: Ministrat e AAK’së dhe Nismës kundër kryeministrit

Kryeministri i Kosovës, Avdullah Hoti në mbledhjen e Qeverisë gjatë shqyrtimit të Kornizës Afatmesme të Shpenzimeve të Rishikuar 2021-2023(KASh) ka kërkuar që sa më parë të përgatitet draft Buxheti 2021 pasi që afatet ligjore janë më pak se dy muaj.

Vërejtje ndaj kësaj Kornize patën ministrat e koalicionit, të AAK-së dhe Nismës.

Derisa ministrat e Nismas ishin kundër KASh-it, zëvendës kryeministri Besnik Tahiri ka thënë se reforma për administratën publike është gjysmake pa miratimin e Ligjit të Pagave.

Ai ka kërkuar ndihmë edhe nga Banka Botërore për mbështetjen e këtij Ligji.

Ndaj kësaj Kornize, ka reaguar Ministri i Punës dhe Mirëqenies Sociale, Skënder Reçica, që sipas tij është absurde përse nuk janë paraparë me KASH edhe nismat ligjore të MPMS-së.

Kryeministri Hoti ka thënë se është hera e parë e shqyrtimit të kornizës së shpenzimeve, dhe sipas tij në të ardhmen mund të bëhen ndryshimet.

Me gjithë vërejtjet dhe kundërshtimet, me shumicë votash Qeveria ka miratuar KASh-in.

Më Shumë

Policia konfiskon mbi 500 kg marihuanë në Suharekë

Policia e Kosovës ka realizuar një aksion në një fshat të Suharekës, ku ka konfiskuar mbi 500 kilogramë lëndë narkotike të dyshuar të llojit...

Protestë në përkrahje të ish-luftëtarëve të UÇK-së në Hagë

Një numër i madh i bashkëluftëtarëve të Ushtrisë Çlirimtare të Kosovës, mërgimtarëve nga diaspora, si dhe qytetarë shqiptarë nga Kosova dhe nga trojet tjera...

Lajmet e Fundit