Policia në Prizren, ka arrestuar pesë persona për përfshirje në vjedhjen e një telefoni të llojit “Iphon -4”.
Zëdhënësi i PK-së në Prizren, Hazir Berisha tha se vjedhja ka ndodhur në rrugën “Ismet Jashari” në Prizren. “Viktima ka raportuar për një rast të vjedhjes së telefonit në lokalin afarist të tij, i cili gjendet në rrugën “Ismet Jashari”.Personi i dyshuar kishte depërtuar ne lokal dhe nga tavolina në mënyrë të paligjshme kishte përfituar një telefon i llojit IPHONE-4s dhe një portofol ku në të kishte të holla rreth 50 euro”, tha Berisha.
Njësiti i Hetimeve Stacionin Policor në Prizren pas marrjes së informacionit lidhur me këtë rast, menjëherë ka fillua hetimet dhe pas një pune intensive ka arritur që t’i zbulon disa incizime Audio-vizuele ku shihen qartë të dyshuarit e mundshëm ne këtë rast.
“Identifikohen pesë të dyshuar të cilët shihen qartë gjatë ikjes në këtë rast. Te gjithë shoqërohen në Stacionin Policor në Prizren dhe intervistohen në prezencë të prindërve të tyre. Ata kanë pranuar para prindërve të tyre për vjedhjen e telefonit”, tha Berisha. Sipas tij, rasti ka kaluar në Prokurorinë Themelore në Prizren./PrizrenPress.com/