7.8 C
Prizren
E enjte, 8 Dhjetor, 2022

Plaçkitet Otamendi: Hajdutët e lidhën në sy të familjes – morën mbi 300 mijë euro gjësende me vlerë

Futbollisti i Benfica-s, Nicolas Otamendi, është bërë viktimë e një sulmi të dhunshëm, që ndodhi në shtëpinë e tij nga disa hajdutë profesionistë.

Mediat portugeze raportojnë që Otamendi-t përveç se iu vodhën gjësende me vlerë prej 300 mijë euro, ai u torturua së bashku me familjen e tij, nga katër hajdutë të cilët ishin me maska dhe doreza.

Me t’u rikthyer në shtëpi rreth orës 1:00 të mëngjesit të së hënës, pas fitores 1:4 ndaj Famalicao-s, ish-mbrojtësi i Manchester City-t hasi në hajdutët të cilët ishin në shtëpinë e tij.

Ai më pas ishte prangosur dhe lidhur me rrip në qafë nga hajdutët profesionistë, për të shmangur çdo reagim të tij.

Kriminelët, të cilët e dinin se futbollisti argjentinas po kthehej në shtëpi pas ndeshjes së kampionatit, e kanë pritur dhe e kanë detyruar të futet në dhomën e tij, ku gjendeshin gruaja dhe djali, të cilët janë tmerruar nga ajo që po i shihnin sytë.

Raportet fillestare thanë se katër burra morën pjesë në sulmin e dhunshëm në Herdade da Aroeira, por mediat portugeze citojnë burimet e policisë që thanë se deri në shtatë kriminelë mund të kenë qenë të përfshirë në këtë sulm.

Një pjesë e bandës besohet se kanë qëndruar jashtë shtëpisë së tij për të vëzhguar situatën, ndërsa bashkëpunëtorët e tyre ishin brenda duke kryer sulmin.

Në raportet e policisë portugeze, thuhet se asnjë nga sulmuesit nuk kishte folur portugalisht.

Gjithashtu në hetimet e policisë, thuhet se banda mund të ketë udhëtuar në Portugali vetëm për të kryer këtë krim dhe mund të jetë e njëjta që bëri bastisjet e shtëpive të tjerëve futbollistë, që ende kanë mbetur të pazgjidhura.

/Albanianpost.com

Më Shumë

Bëri disa postime në “Twitter”, Elonn Musk i bën të papriturën Kany West

Reperi i famshëm, Kanye West, ka njoftuar së fundmi mbështetjen e tij për Balenciaga-n pasi, shtëpia e modës u kritikua për fushatën e saj...

Zvicra e shqiptarëve për herë të dytë e fundos Serbinës

Zvicra ka shënuar fitore ndaj Serbisë, duke u kualifikuar në fazën e nokautit. LIVE: Zvicër-Serbi 3-2 90? Shtatë minuta 70? Loja vazhdon me ritëm të lartë. Rezultati akoma...

Lajmet e Fundit