Një 27-vjeçar ka plagosur bashkëshorten dhe më pas i ka dhënë fund jetës së tij duke u vetëvrarë.
Ngjarja ka ndodhur në Yzberisht, ku Elson Cenko pas një debati ka qëlluar bashkëshorten Argela Cenko.
Ajo ndodhet në gjendje të rëndë. Argela Cenko është dërguar me urgjencë në Spitalin e Traumës në vdekje klinike, fatmirësisht me ndërhyrjen e mjekëve është mbajtur në jetë.
Ndërkaq, forcat e policisë të Komisariatit nr. 5 dhe 6 ndodhen në vendin e ngjarjes dhe po punojnë për zbardhjen e shkaqeve të kësaj ngjarje të rëndë.
Nuk dihen rrethanat e ngjarjes, por kanë qenë fqinjët ata që kanë dëgjuar debatin mes çiftit e më pas njoftuan policinë.