19.8 C
Prizren
E diel, 16 Qershor, 2024

Polici i Shqipërisë që u ndalua në Prizren dyshohet se kanosi vjehrrin e vajzës, shkak problemet e saj me burrin

Një  polic i Republikës së Shqipërisë  është ndaluar në stacionin policor në Prizren, pasi i njëjti dyshohet se u fut në sherr me familjen e burrit të vajzës së tij.

Sinjali mëson së gjithçka ka ndodhur për shkak të problemeve martesore të vajzës së policit, e cila jeton me shtetasin kosovar në komunën e Prizrenit.

Polici dyshohet se përmes telefonit ka kërcënuar babain e dhëndrit, për shkak të problemeve që vajza e tij kishte në martesën me prizrenasin, i cili aktualisht ndodhet në Gjermani.

Si rezultat i denoncimit nga vjehrri i vajzës së tij, 58-vjeçari është arrestuar në Prizren dhe i njëjti më pas u shoqërua në stacion policor për intervistim. Gjatë arrestimit atij i është sekuestruar arma zyrtare bashkë me një karikator dhe fishekë e po ashtu edhe kartela e identitetit e Policisë.

Ai është shoqëruar në stacion policor, ku i është nënshtruar procedurës së intervistimit nga hetuesit e Stacionit të Policisë së Kosovës në Prizren dhe më pas është njoftuar edhe zyra ndërlidhëse e Shqipërisë.

Pas përfundimit të procedurave policore, Prokurori i Shtetit ka urdhëruar ndaj tij të iniciohet rasti ‘Kanosje’ dhe të dërgohet në mbajtje për 48 orë.

Më Shumë

Ndeja e partisë në Prizren, Vetëvendosje publikon videon ku qytetari shihet duke ia puthur dorën Kurtit

Lëvizja Vetëvendosje ka publikuar pamje nga ndeja që mbajtën dje në Prizren me aktivistë e anëtarë të kësaj partie. Pjesë e kësaj videoje është edhe...

Limaj merr pjesë në inaugurimin e “Kalasë së UÇK-së” në Prizren

Fatmir Limaj, kryetari i Nismës Socialdemokrate, mori pjesë në inaugurimin e kompleksit "Kalaja e UÇK-së" në Arbëri të Vërrinit në Prizren. Në këtë ceremoni...

Lajmet e Fundit