Policia e Kosovës ka njoftuar për ardhjen e policit Artur Mrasori, i cili ishte duke u trajtuar në Turqi, për shkak të lëndimit që kishte marrë në Zhur të Prizrenit gjatë një aksioni antidrogë
“Policia e Kosovës ju njofton se sot me datë 03 shtator 2020 në ora 18:00, në Aeroportin “Adem Jashari” në Prishtinë, do të arrijë zyrtari policor Artur Mrasori, i cili që nga data 31.01.2020 ka qenë në trajtim mjekësor në shtetin e Turqisë, për shkak të lëndimeve serioze të marra në kryerje të detyrës me datë 28.01.2020”, ka njoftuar policia.
Mrasorin do ta presë Drejtori i Përgjithshëm i Policisë, Rashit Qalaj dhe menaxhmenti i policisë.
“Pjesëmarrës në pritjen e tij në aeroport do të jetë edhe Drejtori i Pëgjithshëm dhe menaxhmenti i lartë i Policisë së Kosovës”, thekson njoftimi./Express/