Policia kufitare e Kosovës operon me një sërë mangësish e parregullsish, duke nisur nga mungesa e stafit e deri tek mosfunksionimi i sistemit të kamerave të sigurisë e mjeteve bazike të punës.
Për këtë shkak, Inspektorati Policor (IPK) ia ka adresuar një numër rekomandimesh Drejtorisë së Policisë, duke kërkuar që të evitohen të gjitha parregullsitë, përfshirë edhe ato për mirëmbajtjen e higjienës.
Në një raport mbi Vlerësimin e performancës policore gjatë ndërresës së natës, në pikat e kalimeve kufitare të realizuar javë më parë, thuhet se një e treta e stacioneve të policisë nuk e kanë funksional sistemin e vëzhgimit me kamera. /Koha Ditore/