Kuvendi i Komunës së Prizrenit sot ka mbajtur seancë të jashtëzakonshme për arsimin.
Gjatë mbledhjes asamblistët ngritën çështje të ndryshme dhe paraqitën kërkesat dhe pyetjet e tyre.
Kuvendarët e opozitës kanë akuzuar pushtetin për politizim të arsimit. Sipas tyre, arsimi në Prizren është në gjendje të rëndë.
Ndërkaq, kuvendarët e pozitës i kanë kundërshtuar pretendimet e kolegëve të tyre nga opozita. Ata thanë se arsimin në Prizren është degraduar nga qeveritë e kaluara.
Drejtoresha Komunale e Arsimit, Xhemile Thaçi Vezgishi, në këtë seancë të jashtëzakonshme dha informacione të hollësishme për përgatitjet që janë realizuar për fillimin e vitit shkollor 2021- 22./PrizrenPress.com/