23.8 C
Prizren
E shtunë, 13 Prill, 2024

Presidenti i Empoli-t për Asllanin: E pamundur ta mbajmë në skuadër

Talenti shqiptar, Kristjan Asllani, ka zhvilluar një sezon shumë të mirë me skuadrën italiane, Empoli.

Megjithatë, e ardhmja e tij duket gjithnjë e më larg Empol-it dhe këtë e ka pranuar edhe vetë presidenti i klubit, Fabrizio Corsi.

Në prezantimin e trajnerit të ri, Paolo Zanetti, Crosi tha se për Asllanin ka interesim të madh të disa klubeve dhe do ta ketë të vështirë ta mbajë në skuadër.

“Për Asllanin kemi marrë shumë oferta nga klube të mëdha dhe do të jetë thuajse e pamundur ta mbajmë”.

“Duhet të mësohemi me idenë që atë dhe Vitin nuk do t’i kemi sezonin e ardhshëm në ekip. Jemi një ekip mesatar apo i vogël dhe sigurisht që futbollistë të caktuar nuk kemi mundësi t’i mbajmë gjatë”, u shpreh Corsi.

Për mesfushorin 20-vjeçar kanë shfaqur interesim tre klubet e mëdha italiane: Interi, Napoli dhe Milani.

Megjithatë, mediat italiane shkruajnë se Interi është favorit kryesor për blerjen e kartonit të tij, pasi kanë arritur një marrëveshje paraprake me futbollistin.

Mesfushori i Kombëtares shqiptare debutoi vetëm këtë sezon në Serie A, por nga janari u shndërrua në një titullar të padiskutueshëm, duke dhuruar paraqitje mjaft cilësore para mbrojtjes.

Forma e tij e mirë ka bërë që Asllani të ftohet edhe te kombëtarja kuqezi, ku për herë të parë debutoi në miqësoren kundër Spanjës më 22 mars.

/Albanianpost.com

Më Shumë

50 euro gjobë, policia paralajmëron sërish këmbësorët që nuk respektojnë rregullat në trafik

Më 3 prill ka hyrë në fuqi Ligji I Ri për Rregullat e Trafikut Rrugor. Me këtë rast, policia ka paralajmëruar edhe një herë këmbësorët...

Ylli fiton duelin e parë çerekfinal ndaj Bashkimit

Golden Eagle Ylli ka shënuar fitore në ndeshjen e parë çerekfinale të “Play-off”-it ndaj Bashkimit me rezultat 87:69 (18:18, 23:14, 18:22, 28:15). Pas një fillimi...

Lajmet e Fundit