Zgjedhjet janë opsioni i fundit, por tash është koha e fundit të tejkalohet nyja institucionale, i ka thënë Televizonit Rrokum, Arbër Vllahiu, këshilltari i presidentes së vendit Atifete Jahjaga.
“Zgjidhja për nyjën institucionale duhet të gjendet nga vetë liderët e partive politike parlamentare dhe nga deputetët e Kuvendit. Është koha e fundit me ec tutje drejt zhbllokimit të kësaj situate. Megjithatë, nëse zgjedhjet janë alternativa e fundit e mbetur, atëherë duhet parë mundësinë që vendi të nxirret nga kjo situatë e pamundshme”, ka thanë Vllahiu përmes postës elektronike
Megjithatë, ai ka mohuar se e para e shtetit ka përgatitur dekret me arsyetime për Gjykatën Kushtetuese, për të kërkuar bazë kushtetuese që ajo t’i shpallë zgjedhjet. Por, ka theksuar se “të gjitha veprimet e presidentes bëhen në përputhje me ligjet dhe Kushtetutën e Kosovës dhe në respektim të vendimeve të Gjykatës Kushtetuese”.