Gjatë të mërkurës, në Prizren ka ndodhur edhe një rast i dhunës në familje.
Sipas raportit 24 orësh të Policisë së Kosovës, është arrestuar personi i dyshuar për kanosje të viktimës femër.
Sipas raportit, gjatë bastisjes së shtëpisë së tij, të i njëjti është gjetur dhe konfiskuar një gëzhojë e vjetër e kalibrit të panjohur.
Tutje, me vendim të prokurorit, i dyshuari është dërguar në mbajtje.
Ndryshe, vetëm gjatë kësaj jave në Prizren kanë ndodhur katër raste të dhunës në familje.
Prokurori kujdestar në Prokurorinë Themelore në Prizren, Shpend Binaj, i kontaktuar nga “Betimi për Drejtësi”, tha se për të gjitha rastet është bërë kërkesë për paraburgim.
Në anën tjetër, “Betimi për Drejtësi” ka kontaktuar edhe Gjykatën Themelore në Prizren, mirëpo e njëjta me arsyetimin se sot nuk ka persona kompetent, nuk ka mundur të konfirmoi nëse për këto raste është caktuar masa e paraburgimit. /BetimipërDrejtësi