1.3 C
Prizren
E mërkurë, 15 Janar, 2025

Prizren: Diellza Hoti pret që i dyshuari për vrasjen e nënës së saj të dënohet me burgim të përjetshëm

Diellza Hoti, së cilës iu vra nëna Armenda Aliu, nga bashkëshorti i saj në gusht të vitit të kaluar, kërkon që drejtësia ta thotë fjalën e saj.

Një javë pas ngritjes së aktakuzës ndaj 61-vjeçarit B.V nga Prokuroria Themelore në Prizren, Hoti pret shqiptim të dënimit me burgim të përjetshëm.

Ajo ka thënë për Kohën se po e përcjell vazhdimisht ecurinë e procesit në mënyrë që gjithçka të shkojë sipas ligjit.

Në Prokurorinë Themelore të Prizrenit thonë se aktakuza është ngritur në bazë të provave të mjaftueshme.

Prokurorja Ervehe Gashi pret që në një afat të shkurtër kohor të përfundojë gjykimi.

Shoqëria civile, në anën tjetër, thotë se ka një traditë të pandëshkueshmërisë në rastet e dhunës dhe vrasjeve ndaj grave, andaj kërkojnë që autoritetet e drejtësisë t’i trajtojnë me prioritet këto raste.

Prokuroria Themelore në Prizren ka ngritur aktakuzë për vrasje të rëndë dhe posedim të paautorizuar të armëve ndaj B.V., i cili gjendet në paraburgim që nga viti i kaluar.

Sipas aktakuzës, B.V pas një mosmarrëveshjeje paraprake që kishte me gruan, në momentin kur ajo largohet nga shtëpia ka shtënë 15 herë në drejtim të saj, me ç’rast të njëjtën e godet 14 herë në pjesë të ndryshme të trupit.

Armenda Aliu kishte vdekur në vend derisa ajo me burrin po qëndronin për pushime në Kosovë në gusht të vitit të kaluar.

Më Shumë

Bora vështirëson qarkullimin drejt Prevallës, ekipet e pastrimit janë në terren

Banorë të trevës së Luginës së Lumëbardhit (Zhupës) në Prizren kanë shprehur shqetësimin lidhur me gjendjen e rrugëve pas reshjeve të fundit të borës. Sipas...

Në Krushë të Vogël përurohet kompleksi memorial me emrat e 113 martirëve

Në fshatin Krushë e Vogël sot është përuruar kompleksit memorial me emrat e 113 martirëve të rënëve për liri nga ky fshat. I pranishëm në...

Lajmet e Fundit