Një burrë nga Prizreni është dënuar me një vit heqje lirie, për shkak të falsifikimit të dokumentit zyrtar.
Lajmin e ka bërë të ditur Gjykata Themelore e Prizrenit përmes një komunikate për media, shkruan PrizrenPress.
“Më 15.07.2016 trupi gjykues i Gjykatës Themelore të Prizrenit Departamenti i Krimeve të Rënda, shpalli aktgjykimin dënues në lëndën P.nr.238/15. ndaj të akuzuarit me inicialet R.K. nga Prizreni, për shkak të veprës penale falsifikim i dokumentit zyrtar nga neni 434 parag.1.të KP-së.
I akuzuari me inicialet R.K. i shqiptohet dënimi me burgim efektiv në kohëzgjatje prej (1) një viti”, thuhet në komunikatë. /PrizrenPress.com/