Gjykata e Prizrenit, ka caktuar masën e paraburgimit prej 30 ditësh ndaj të pandehurit Xh.Xh., i dyshuar për lëndim të lehtë trupor.
Sipas Prokurorisë me datë 7 mars, i pandehuri Xh.Xh., në shtëpinë familjare, si rrjedhojë e problemeve psikike që e kanë afektuar e sulmon vajzën e tij të mitur, duke goditur disa herë me grushte në fytyrë më pas edhe në shpinë dhe krah e më pas edhe me thupër e kishte goditur në pjesën e shpinës.
Gjyqtarja e procedurës ka vlerësuar se janë plotësuar kushtet për caktimin e paraburgimit në këtë rast.
Sipas njoftimit,Gjykata ka ardhur në përfundim se në rastin konkret kjo masë është më e arsyeshme duke marrë parasysh peshën e veprës penale, mënyrën dhe rrethanat e kryerjes, raportet e acaruara në mes të palëve.
Sipas konstatimit të gjykatës caktimi i masës së paraburgimit tani për tani është mëse i domosdoshëm dhe i arsyeshëm.