Në Prizren, përkatësisht në rrugën “Xhavit Bajraktari”, gjatë mbrëmjes së djeshme, dy të dyshuar të gjinisë meshkullore kanë hyrë me qëllim për të vjedhur në një banesë.
“Të dyshuarit pasi kanë vërejtur se është kthyer pronari, njëri nga ta duke tentuar për të ikur ka kërcyer nga kati i IV i banesës, me ç’ rast ka pësuar lëndime të rënda trupore dhe i njëjti është dërguar për trajtim mjekësor në QKUK”, njofton policia, përcjellë PrizrenPress.
Me vendim të prokurorit rasti vazhdon të hetohet në procedurë të rregullt. /PrizrenPress.com/