Edhe një protestë kundër dhunës në familje është mbajtur të mërkurën në qytetin e Prizrenit, raporton KTV.
Pa mbështetjen e burrave, kanë marshuar nga shatërvani i qytetit në drejtim të gjykatës, duke kërkuar drejtësi për gratë, të cilat vazhdojnë të jenë viktimë e dhunës në familje. Megjithatë, numri i pjesëmarrësve në këtë protestë ishte i ulët.
Gati një muaj pasi Valbona Nrecaj dhe vajza e saj u vranë nga bashkëshorti, po vazhdojnë protestat në qytete të ndryshme të Kosovës kundër dhunës në familje.
Një e tillë të martën është mbajtur në Prizren.
Me moton ‘Boll Ma’, gratë i janë bashkuar protestës së nisur nga shatërvani i qytetit.
Dhuna në familje, sipas pjesëmarrësve, është duke u rritur në vazhdimësi.
E, përkundër shqetësimeve të ngritura kohëve të fundit për numrin e grave të vrara nga burrat, pjesëmarrja mbetet e ulët në këto protesta.
Protesta përfundoi para Gjykatës Themelore në Prizren me thirrjet kundër dhunës në familje dhe trajtimit të këtyre rasteve më me prioritet në të ardhmen nga ana e institucioneve.